માઉન્ટ આબુમાં પેન્થર અને રીંછ સામસામે, વિડીયો વાયરલ

રસ્તા પરથી પસાર થતા લોકો માટે આ નજારો અત્યંત રોમાંચક રહ્યો હતો.

એકબીજાને ડરાવવાનો પ્રયાસ

વિડીયોમાં જોવા મળે છે કે રસ્તા પર આવેલા રીંછને જોઈને પેન્થર તેને ઘૂરવા લાગે છે.

રીંછ પણ પાછળ હટ્યા વગર પેન્થરની સામે મક્કમતાથી ઊભું રહે છે.

થોડી સેકન્ડ બંને એકબીજા સામે ડટી રહ્યા બાદ રીંછ જંગલ તરફ રવાના થઈ ગયું હતું.

કાર ચાલકે મોબાઈલમાં વિડીયો ઉતાર્યો

ત્યાંથી પસાર થતા એક કાર ચાલકે પોતાના મોબાઈલ કેમેરામાં આ દ્રશ્ય કેદ કરી લીધું હતું.

હવે આ વિડીયો સોશિયલ મીડિયા પર ઝડપથી વાયરલ થઈ રહ્યો છે.

અરાવલીની ટેકરીઓમાં વન્યજીવોની હાજરી

આબુરાજ વિસ્તાર અરાવલીની ટેકરીઓ અને જંગલોથી ઘેરાયેલો હોવાથી અહીં વન્યજીવોની હાજરી સામાન્ય છે.

જોકે મુખ્ય માર્ગ પર આ રીતે પેન્થર અને રીંછનો સામસામો મુકાબલો થવો લોકો માટે ભારે આશ્ચર્યનો વિષય બન્યો છે.

વાહન ચાલકો માટે સાવચેતી જરૂરી

પોતાની સુરક્ષા અને વન્યજીવોના રક્ષણ માટે આવા વિસ્તારોમાં વાહન ચાલકોએ પૂરતી સાવચેતી રાખવી જરૂરી છે.

વન્યજીવોથી યોગ્ય અંતર જાળવી રાખવું હિતાવહ છે.